video resume: వీడియో రెజ్యూమ్ లో పాటించాల్సిన టిప్స్‌ తెలుసుకోండి!

0
14

video resumeకంప్యూట‌ర్స్ కంటే స్మార్ట్‌ఫోన్‌ల‌కే గిరాకీ పెరిగిన‌ట్టు.. ప్ర‌స్తుతం రెజ్యుమ్ స్థానాన్ని వీడియో రెజ్యూమ్‌లు భ‌ర్తీ చేస్తున్నాయి. అవును ఇప్పుడున్న కాంపిటీష‌న్ వ‌రల్డ్‌లో వీడియో రెజ్యూమ్స్‌ను బ‌డా బ‌డా కంపెనీలు ప్రిపేర్ చేస్తున్నాయి. ఇంత‌కీ వీడియో రెజ్యూమ్స్ షూట్ చేసే స‌మ‌యంలో ఎలాగా బిహేవ్‌(ప్ర‌వ‌ర్త‌న‌) చేయాలో (video resume)తెల్సుకుందాం.

ఫారిన్ కంపెనీ(foreign company)లు వీడియో రెజ్యూమ్స్‌కే అధిక ప్రాధాన్య‌త ఇవ్వ‌డానికి కార‌ణం విద్యార్థి లేదా ఉద్యోగి ప్రెజంటేష‌న్ స్కిల్స్ అందులోనే క‌నిపిస్తాయి. కేవ‌లం మూడు నిమిషాల్లో అత‌ని మాట‌తీరు, బాడీ లాంగ్వేజ్‌, ఇంగ్లీష్ భాష‌లో క‌మ్యూనికేష‌న్‌, విద్యార్హ‌త‌లు, అనుభ‌వం, ఇట్టే అర్థ‌మ‌వుతుంది. దీంతో కంపెనీల‌కు వీడియో రెజ్యూమ్స్ వ‌ల్ల ఉద్యోగుల్ని ఎంపిక చేసే ప్ర‌క్రియ సుల‌వవుతుంది.

వీడియో రెజ్యూమ్స్ ఎలా రూపొందించాలి, అస‌లు ఎలా ఉంటాయి అని తెలుసుకునేందుకు నెట్‌లో వీడియో రెజ్యూమ్స్ చూడాలి. మొద‌ట ఎలా మాట్లాడాలో పేప‌రుపై రాసుకోవాలి. రాసిన విష‌యాన్ని గుర్తుంచుకుని ప‌దే ప‌దే గ‌ట్టిగా అద్దం ముందు ప్రాక్టీసు చేసుకోవాలి. వీడియో షూట్ చేసే ముందు డ‌ల్ లైటింగ్ లేకుండా చూసుకోవాలి. ఆక‌ర్షణీయంగా క‌నిపించేట్లు వీడియోను సెట్ చేసుకోవాలి. కెమెరాకు ఎదురుగా ఉండాలి. దిక్కులు చూడ‌టం, పైకి, కింద‌కి చూడ‌టం వంటివి చేయ‌కూడ‌దు. చుట్టు ప్ర‌క్క‌ల ఎలాంటి శ‌బ్ధాలు లేకుండా జాగ్ర‌త్త‌ప‌డాలి.

ఫేస్ టు ఫేస్ ఇంట‌ర్వ్యూ(interview) చేస్తున్న‌ట్టు భావించి తొలుత మీ పేరు చెప్పి వీడియో రెజ్యూమ్ ను స్టార్ట్ చేయాలి. ప్రొఫెష‌న‌ల్‌గా డ్రెస‌ప్ కావాలి. గుండెలోంచి మాట‌లు రావాలి, అంతేగాని స్క్రిప్ట్ అప్ప‌జెప్పిన‌ట్టు ఉండ‌కూడ‌దు. ఉంటే స్లో, లేకుంటే ఫాస్ట్‌గా మాట్లాడ‌కూడ‌దు. సాధార‌ణ వేగం ఉండాలి.

సొంత అభిప్రాయాలు, సెల్ఫ్ డ‌బ్బా కంటే ప్రొఫెష‌న‌ల్ విష‌యాలు ఏం నేర్చుకున్నారో సూటిగా చెప్పాలి. విదార్హ‌త‌ల‌తో పాటు మీ రంగంలో ఉన్న అనుభ‌వాన్ని ఖ‌చ్చితంగా చెప్పాలి. మిమ్మ‌ల్ని వాళ్ల కంపెనీలో తీసుకుంటే స‌మ‌ర్థంగా ప‌నిచేస్తార‌నే విష‌యాన్ని కాన్ఫిడెంట్‌గా చెప్పాలి. చివ‌ర‌కు స్మైలింగ్ ఫేస్‌తో రిక్రూట‌ర్‌కు థ్యాంక్స్ చెప్పాలి. అన్నింటి కంటే ముఖ్య‌మైన విష‌యం మూడు నిమిషాల్లో వీడియో రెజ్యూమ్ కంప్లీట్ కావాలి. అంత‌లోపే మీ క్రియోటివిటీ, ప్ర‌తిభ‌, సామ‌ర్థ్యం నిరూపించుకోవాల‌న్న‌మాట‌.

Latest Post  eye care tips: రెప్ప వేయ‌కుండా చ‌దివితే ప్ర‌మాద‌మే!

LEAVE A REPLY

Please enter your comment!
Please enter your name here