Sileru River : విశాఖ‌లో ఏవోబీలో విషాదం రెండు నాటు ప‌డ‌వ‌లు బోల్తా!

Share link

Sileru River : విశాఖ‌ప‌ట్ట‌ణం ఏవోబీ(ఆంధ్రా – ఒడిశా బోర్డ‌ర్‌) లో మంగ‌ళ‌వారం విషాదం చోటు చేసుకుంది. సీలేరు న‌దిలో రెండు నాటు ప‌డ‌వ‌లు బోల్తా ప‌డి 7 గురు కూలీలు గ‌ల్లంత‌య్యారు. రెండు ప‌డ‌వ‌ల్లో 20 మంది ప్ర‌యాణికులు ఉన్నారు. అంద‌రూ వ‌ల‌స కూలీలుగా తెలుస్తోంది. హైద‌రాబాద్‌లో వ‌ల‌స ప‌నికి వెళ్లి లాక్‌డౌన్ నేప‌థ్యంలో తిరిగి స్వ‌గ్రామాల‌కు బ‌య‌లుదేరారు. ఈ స‌మ‌యంలో నాటు ప‌డ‌వ‌ల‌పై ప్ర‌యాణిస్తుండ‌గా ప్ర‌మాదం చోటు చేసుకుంది. స‌మాచారం అందిన వెంట‌నే పోలీసులు ఘ‌ట‌నా స్థ‌లానికి చేరుకున్నారు. గ‌ల్లంతైన వారి కోసం గాలింపు చ‌ర్య‌లు చేప‌ట్టారు.