Telangana Rashtra Samithi | తెలంగాణ రాష్ట్ర ముఖ్య‌మంత్రి కె.చంద్ర‌శేఖ‌ర్ రావు(kcr) సోమ‌వారం ఉద‌యం 11.30 గంట‌ల‌కు తెలంగాణ భ‌వ‌న్‌లో టిఆర్ఎస్ పార్టీ శాస‌న‌స‌భ ప‌క్ష సమావేశం జ‌ర‌పాల‌ని నిర్ణ‌యించారు. ఈ స‌మావేశానికి ఎమ్మెల్యేలు, ఎమ్మెల్సీలు, పార్టీ రాష్ట్ర కార్య‌వ‌ర్గ స‌భ్యులు, జిల్లా అధ్య‌క్షులు, జ‌డ్పీ ఛైర్మ‌న్లు, డిసిసిబి, డిసిఎంఎస్‌ల అధ్య‌క్షులు, రైతు బంధు స‌మితుల జిల్లా అధ్య‌క్షులు త‌ప్ప‌నిస‌రిగా హాజ‌రు కావాల‌ని సీఎం ఆదేశించారు.
యాసంగి వ‌రిపై పోరాటం
రాష్ట్రంలో యాసంగి వ‌రి ధాన్యాన్ని కేంద్ర ప్ర‌భుత్వం ఖ‌చ్చితంగా కొనుగోలు చేయాల‌ని డిమాండ్ చేస్తూ ధ‌ర్నా, ఆందోళ‌న, నిర‌స‌న కార్య‌క్ర‌మాల‌కు ఈ సమావేశం రూప‌క‌ల్ప‌న చేయ‌నున్న‌ట్టు సీఎం కేసీఆర్ పేర్కొన్నారు. సమావేశం అనంత‌రం ముఖ్య‌మంత్రి మంత్రుల బృందం అదే రోజు ఢిల్లీ బ‌య‌లుదేరి వెళ్ల‌నున్నారు. ధాన్యం కొనుగోళ్ళు మీద కేంద్ర మంత్రుల‌ను, అవ‌స‌ర‌మైతే ప్ర‌ధానిని క‌లిసి డిమాండ్ చేయ‌నున్నారు.
తెలంగాణ రాష్ట్రంలో జ‌రిగే ఆందోళ‌న కార్య‌క్ర‌మాల‌కు అనుగుణంగా లోక్ స‌భ‌లో, రాజ్య స‌భ‌లో టిఆర్ఎస్(Telangana Rashtra Samithi) ఎంపీలు నిర‌స‌న కార్య‌క్ర‌మాలు చేప‌డ‌తాయి. పంజాబ్ రాష్ట్రానికి చెందిన వ‌రి ధాన్యాన్ని 100 శాతం కేంద్ర ప్ర‌భుత్వం సేక‌రిస్తున్నందున, తెలంగాణ వ‌రి ధాన్యాన్ని కూడా పంజాబ్ త‌ర‌హాలో 100 శాతం ఎఫ్‌సిఐ సేక‌రించాల‌ని డిమాండ్ చేస్తూ ఈ ఆందోళ‌న కార్య‌క్ర‌మాలు కొన‌సాగించ‌నున్న‌ట్టు సీఎం కేసీఆర్ వివ‌రించారు.
తెలంగాణ రైతుల జీవ‌న్మ‌ర‌ణ స‌మ‌స్య అయిన వ‌రి ధాన్యం కొనుగోలుపై ఈ ద‌ఫా ఉధృతమైన పోరాటాల‌కు టిఆర్ఎస్ పార్టీ సిద్ధం అవుతున్నందున ఈ స‌మావేశానికి ఆహ్వానితులంద‌రూ త‌ప్ప‌నిస‌రిగా హాజ‌రు కావాల‌ని సీఎం స్ప‌ష్టం చేశారు.
- Panasakaya Biryani: ప‌న‌స‌కాయ బిర్యానీ త‌యారీ నేర్చుకోండి!
- lord krishna stories: లార్డ్ కృష్ణ ఆలోచ‌న‌కు సృష్టిక‌ర్తే మోక‌రిల్లాడు!
- Noogler Benefits: Google త‌మ ఉద్యోగుల‌కు ఇంత విలువ ఇస్తుందా?
- Peda Purugu: పేడ‌పురుగు పేడ ఉండ‌ల‌తో ప్ర‌యాణం ఎటు?
- Katla Pamu: క‌ట్ల పాముల గురించి ఆస‌క్తిక‌ర విష‌యాలు!
