Banned Substances : గుంటూరులో పెద్ద ఎత్తున నిషేధిత ప‌దార్థాల‌ను పోలీసులు గుట్టు ర‌ట్టు చేశారు. బెంగూళూరు నుంచి గుంటూరుతో పాటు 8 రాష్ట్రాల‌కు ర‌వాణా చేస్తున్న ముఠాను అరెస్టు చేసిన‌ట్టు గుంటూరు ఎస్పీ విశాల్ గున్నీ తెలిపారు.
Banned Substances : గుంటూరు : గుంటూరులో గుట్కా, న‌కిలీ సిగిరేట్‌, ఖైనీ స్థావ‌రాల‌పై సోమ‌వారం దాడులు చేసిన‌ట్టు ఎస్పీ విశాల్ గున్నీ తెలిపారు. ఈ దాడుల్లో రూ.97 ల‌క్ష‌ల విలువ గ‌ల నిషేధిత ప‌దార్థాలు ల‌భ్య‌మైన‌ట్టు పేర్కొన్నారు. ఈ దాడుల్లో ఆరుగురు నిందితుల‌ను అరెస్టు చేశామ‌ని తెలిపారు. గుట్కా, నిషేధిత సిగిరెట్ స‌ర‌ఫ‌రా చేసే ప్ర‌ధాన నిందితుడు బెంగుళూరుకు చెందిన సిద్ధుగా గుర్తించామ‌న్నారు. ప్ర‌ధాన నిందితుడు సిద్ధు 8 జిల్లాల‌కు గుట్కా స‌ర‌ఫ‌రా చేస్తున్న‌ట్టు తెలిసింద‌న్నారు. ప్ర‌తి జిల్లాకు ఇద్ద‌రు చొప్పున గుట్కా స‌ర‌ఫ‌రా చేసేందుకు ప‌నిచేస్తున్నార‌ని తేలింద‌న్నారు.
ఈ గుట్కా రాకెట్‌ను చేధించ‌డానికి రెండు పోలీసు బృందాలు ఇత‌ర రాష్ట్రాల‌కు వెళ్లాయ‌ని ఎస్పీ అన్నారు. గుట్కా త‌ర‌లింపుపై పోలీసులు దృష్టి సారిస్తే నిందితులు ఆర్‌టిజిఎస్ ద్వారా న‌గ‌దును పంపి వివిధ కంపెనీ పేర్ల‌తో పార్శిల్ ద్వారా త‌మ ప‌ని కానిచ్చేస్తున్నార‌న్నారు. గుట్కాను బెంగుళూరుకు చెందిన సుబ్ర‌మ‌ణ్యం ఎంట‌ర్ ప్రైజెస్ ద్వారా స‌ర‌ఫ‌రా చేస్తున్నార‌ని అన్నారు. త్వ‌ర‌లో గుట్కాకు సంబంధించి ప్ర‌ధాన నిందితులు వాటికి సంబంధించిన వివ‌రాలు వెల్ల‌డిస్తామ‌ని ఎస్పీ విశాల్ గున్నీ విలేక‌ర్ల తెలిపారు.
- Bitter Gourd: రుచికి చేదైనా..ఆరోగ్యానికి తీపి కాక‌ర‌కాయ
- Ayudha Pooja 2022: ద‌స‌రాకు ముందు ఆయుధ పూజ చేస్తారెందుకు?
- Yogi Vemana: దిగంబ‌రి వేమ‌నకు పిచ్చిప‌ట్టింద‌న్నారు!
- Best Love Quotes: టాప్ 20 ప్రేమ క‌విత‌లు చ‌ద‌వండి!
- Nature: మీ పిల్ల‌ల‌కు ప్ర‌కృతిని ప‌రిచ‌యం చేస్తున్నారా?
