Green Tea Face Pack గ్రీన్ టీ తాగ‌డానికే కాదు.. చ‌ర్మాన్ని మెరిసేలా చేసే సౌంద‌ర్య సాధ‌నం కూడా..!

Green Tea Face Pack మాన‌సికోల్లాసానికే కాదు. గ్రీన్ టీని సౌంద‌ర్య సాధ‌నం గానూ ఉప‌యోగిస్తే చ‌ర్మం మంచి నిగారింపును సంత‌రించుకుంటుంది. ప్యాకెట్ల‌లో ల‌భించే గ్రీన్ టీ ఆకుల‌ను ముద్ద‌గా చేసుకుని ఫేస్ ప్యాక్ వేసుకుంటే ముఖ చ‌ర్మం కాంతివంత‌మ‌వుతుంద‌ని ప్ర‌ఖ్యాత మోడ‌ల్ మిరందా కేర్ త‌న సౌంద‌ర్య ర‌హ‌స్యాల‌ను వివ‌రిస్తోంది. వేడినీళ్ల‌లో గ్రీన్ టీ ఆకుల‌ను వేసి స్నానం చేస్తే శ‌రీరం కొత్త అందాల‌తో మిల‌మిల‌లాడుతుంద‌ని ఆమె భ‌రోసా ఇస్తోంది.

యాంటీ ఆక్సిడెంట్లు పుష్క‌లంగా ఉన్నందున గ్రీన్ టీ చ‌ర్మ సంర‌క్ష‌ణ‌కు ఎంత‌గానో దోహ‌ద‌ప‌డుతుంది. చ‌ర్మంపై మంట‌గా ఉన్నా, ముడ‌త‌లు ప‌డుతున్న‌ట్టు అనిపించినా దీని ఆకుల‌ను ముద్ద‌గా చేసి శ‌రీరానికి రాసుకుంటే ఉప‌శ‌మ‌నం క‌లుగుతుంది. శీతాకాలంలో చ‌ర్మం పొడి బార‌డం అనే స‌మ‌స్య నుంచి విముక్తి ల‌భిస్తుంది. శ‌రీరం మృదుత్వాన్ని పొంది సువాస‌నాభ‌రితంగా ఉంటుంది.

గ్రీన్ టీ మిశ్ర‌మాన్ని మ‌నం ఇంట్లోనే సుల‌భంగా త‌యారు చేసుకోవ‌చ్చు. వెడ‌ల్పాంటి పాత్ర‌లో నాలుగు క‌ప్పుల నీటిని బాగా మ‌ర‌గించి అందులో గుప్పెడు గ్రీన్‌టీ ఆకుల‌ను లేదా మూడు చిన్న ప్యాకెట్ల గ్రీన్ టీ పొడిని గానీ వేసి బాగా క‌ల‌పాలి. పావు గంట త‌ర్వాత నీటిని తీసివేసి ముద్ద‌లా చేసుకోవాలి. శ‌రీరాన్ని నీటితో తుడుచుకున్న త‌ర్వాత ఈ మిశ్ర‌మాన్ని చ‌ర్మానికి ప‌ట్టించి, పావు గంట త‌ర్వాత చ‌న్నీళ్ల‌తో స్నానం చేయాలి. ఇదే మిశ్ర‌మంలో మెత్త‌టి పంచ‌దార‌, కాస్త కోల్డ్ క్రీమ్ కలిపి ఫేస్ ప్యాక్ వేసుకోవ‌చ్చు. రెండు క‌ప్పుల నీటిని బాగా మ‌ర‌గ‌బెట్టి అందులో గ్రీన్ టీ ఆకులు లేదా పొడి వేయాలి. చ‌ల్లారాక ఆ నీటిలో కాస్త నిమ్మ‌ర‌సం, తేనె, విట‌మిన్‌- ఇ ఆయిల్‌, బేకింగ్ సోడా వేసి బాగా క‌ల‌పాలి. ఈ మిశ్ర‌మాన్ని గాజుసీసాలో వేసుకుని రెండ్రోజుల‌కోసారి వాడొచ్చు. దీని ముఖం, మెడ‌, చేతులు, కాళ్ల‌కు రాసుకుంటే మంచి మాయిశ్చ‌రైజ‌ర్‌లా ప‌నిచేస్తుంది.

• Jillelamma Jitta Dj Song 2022 – జిల్లేల‌మ్మా జిట్టా సాంగ్‌
• Baby Corn Recipe: బేబీకార్న్‌తో నోరూరించే వంట‌లు త‌యారీ ఇలా!
• Christmas Cake Recipe: క్రిస్ట‌మ‌స్ కేక్‌లు త‌యారీ చేయండి ఇలా!
• Neela Neelammu Siralo Neela Folk Song – నీలా నీల‌మ్ము సిర‌లో నీలా
• Amma Geesina Bomma Song Bvm Creations 2022 – అమ్మ గీసిన బొమ్మ సాంగ్‌