Google Pay : గూగుల్ పే యాప్ వినియోగ‌దారుల‌కు మ‌రో కొత్త ఫ్యూచ‌ర్‌ను అందుబాటులోకి తీసుకొచ్చింది. ఇక నుంచి ఇండియాతో పాటు అమెరికా, సింగ‌పూర్ లో ఉన్న‌వారికి కూడా డ‌బ్బులు పంపించే అవ‌కాశం క‌ల్పించింది.
Google Pay : ఆన్‌లైన్ న‌గ‌దు(online money) లావాదేవీల రంగంలో ప్ర‌ముఖ దిగ్గ‌జం గూగుల్ పే యాప్ త‌న వినియోగ‌దారుల‌కు శుభ‌వార్త తెలిపింది. ఇప్ప‌టి వ‌ర‌కు స్వ‌దేశంలోనే డ‌బ్బులు ఒక‌రికొక‌రు సెండ్ చేసుకునే అవ‌కాశం ఉంది. అయితే ఇప్ప‌టి నుంచి అమెరికా నుంచి భార‌త్‌, సింగ్ పూర్ యూజ‌ర్ల‌కు డ‌బ్బులు పంపే వెసులుబాటును ఆ సంస్థ క‌ల్పించింది. అయితే యూజ‌ర్ల‌కు ఈ స‌దుపాయాల‌ను క‌ల్పించేందుకు ఆర్థిక సేవ‌ల సంస్థ‌లు వెస్ట్ర‌న్ యూనియన్, వైజ్ కంపెనీల‌తో ఒప్పందం చేసుకున్న‌ట్టు టెక్ క్రంచ్ పోర్ట‌ల్ ఓ క‌థ‌నాన్ని ప్ర‌చురించింది. అయితే ఈ సంద‌ర్భంగా గూగుల్ పే కూడా ఈ విష‌యాన్ని ధృవీక‌రించింది.
అంతేగాక ఆర్థిక సేవ‌ల సంస్థ‌లు వెస్ట్ర‌న్ యూనియన్ తో న‌గ‌దు బ‌దిలీ ఒప్పందం కుదుర్చుకున్న నేప‌థ్యంలో ఇక‌పై అమెరికా యూజ‌ర్లు మ‌రో 200 దేశాల‌కు, వైజ్ ద్వారా 80 దేశాల‌కు డ‌బ్బు పంపుకునే సౌక‌ర్యాలు అందుబాటులోకి వ‌చ్చే అవ‌కాశం ఉంద‌ని గూగుల్ పే చెప్పింది. ఈ స‌దుపాయాలు వ్య‌క్తిగ‌త యూజ‌ర్ల‌కు మాత్ర‌మే అందుబాటులో ఉంటాయ‌ని, బిజినెస్ లావాదేవీల‌కు ఈ సౌక‌ర్యం ఉండ‌బోద‌ని టెక్ క్రంచ్ వివ‌రించింది. ఇటీవ‌ల కాలంలో న‌గ‌దు బదిలీల కోసం ఇండియాలో గూగుల్ పే ను కోట్లాది మంది వాడుతున్నారు.
- Impact of Social Media in our Life
- Brave girl: Indira Gandhi కాలంలో అత్యంత ధైర్య‌సాహ‌సాలు ప్ర‌ద‌ర్శించిన Geetha chopra award బాలిక స్టోరీ
- Karpoora Tulasi: ఆధ్యాత్మిక సుగంధం క‌ర్పూర తుల‌సి అని ఎందుకంటారు?
- Coffee: ప్ర‌తి రోజూ కాఫీ తాగుతున్నారా? అయితే ఇది చ‌ద‌వాల్సిందే!
- Discipline: జీవితంలో క్ర‌మ శిక్ష‌ణ ఎంతో అవ‌స‌రం
