Jaggayyapeta Government Hospital

Jaggayyapeta Government Hospital : జ‌గ్గ‌య్య‌పేట ప్ర‌భుత్వ ఆసుప‌త్రి వైద్యులపై కేసు న‌మోదు

ఆంధ్ర‌ప్ర‌దేశ్‌

Jaggayyapeta Government Hospital : జ‌గ్గ‌య్య‌పేట ప్ర‌భుత్వ ఆసుప‌త్రి వైద్యులపై కేసు న‌మోదు

Jaggayyapeta Government Hospital : జ‌గ్గ‌య్య‌పేట ప్ర‌భుత్వాసుప‌త్రి (పీపీయూనిట్ ) వైద్యుల నిర్ల‌క్ష్యంపై చేసిన ఫిర్యాదును లోకాయుక్త ఆంధ్ర‌ప్ర‌దేశ్ అధికారులు విచార‌ణ‌కు స్వీక‌రించారు. జ‌గ్గ‌య్య‌పేట‌లోని పీపీయూనిట్ వైద్యులు అలాగే కొంద‌రు పారామెడిక‌ల్ సిబ్బంది వ్య‌వ‌హ‌రిస్తున్న తీరు అస్త‌వ్య‌స్తంగా ఉండ‌టంపై వారిని స‌రిచేయాల్సిన ప్ర‌భుత్వ ప్ర‌తినిధిగా ఉన్న త‌హ‌శీల్దార్ రామిశెట్టి రామ‌కృష్ణ నిర్ల‌క్ష్యంపై జ‌గ్గ‌య్య‌పేట‌కు చెందిన సీనియ‌ర్ జ‌ర్న‌లిస్టు ఎమ్‌.సైదేశ్వ‌ర‌రావు ఆంధ్ర‌ప్ర‌దేశ్ లోకాయుక్త వారికి ఫిర్యాదు చేశారు. ఫిర్యాదు స్వీక‌రించి విచార‌ణ‌కు చేప‌ట్టి కేసు నెం.409/2021/ బి2 పై కేసు న‌మోదు చేశారు. అనంత‌రం కేసు వివ‌రాల‌ను ప‌త్రిక‌ల‌కు విడుద‌ల చేశారు.

ప్ర‌భుత్వం ప్ర‌జ‌ల‌కు మెరుగైన వైద్యాన్ని అందించేలా ముంద‌స్తుగా వైద్యుల‌కు, ఇత‌ర సిబ్బందికి విలువైన క‌రోనా వ్యాక్సిన్ ను ఉచితంగానే అంద‌జేస్తున్నారు. అయిన‌ప్ప‌టికీ క‌రోనా సోకిన ప్ర‌జ‌ల‌కు జ‌గ్గ‌య్య‌పేట‌లోని పీపీయూనిట్ వైద్యులు, అలాగే సిబ్బంది అంట‌రాని వారిగా ప‌రిగ‌ణించ‌డ‌మే కాకుండా స‌రైన వైద్యాన్ని అందించ‌క‌పోవ‌డం వ‌ల్ల అనేక‌మంది ప్రైవేటు ఆసుప‌త్రుల‌ను ఆశ్ర‌యిస్తున్నారు. దీంతో ల‌క్ష‌లాది రూపాయ‌లు ఖ‌ర్చు చేసుకోవాల్సిన ప‌రిస్థితి ఏర్ప‌డింది. ప్ర‌భుత్వాసుప‌త్రి నిర్ల‌క్ష్యం వ‌ల్ల మార్చినెల‌లోనే రెండు మ‌ర‌ణాలు క‌రోనా ఖాతాలో చేర‌డం ప్ర‌జ‌ల‌ను మ‌రింత ఆందోళ‌న‌కు గురిచేసింది. క‌రోనా సోకిన వారికి వైద్యాన్ని అందించ‌కుండా నిర్ల‌క్ష్యం చేయ‌డం జ‌రిగింద‌ని విచార‌ణ‌లో తేల్చారు.

lok ayukta

క‌రోనా నియంత్ర‌ణ‌లో వైద్య ఆరోగ్య‌శాఖ‌పై ఎప్ప‌టిక‌ప్పుడు త‌హ‌శీల్దార్ ప‌ర్య‌వేక్షించాల్సి ఉండ‌గా తీవ్ర నిర్ల‌క్ష్యంగా వ్య‌వ‌హ‌రించ‌డం వ‌ల్ల‌నే రెండు మ‌ర‌ణాలు జ‌రిగాయ‌ని లోకాయుక్త పేర్కొంది. నిర్ల‌క్ష్యంగా వ్య‌వ‌హ‌రించిన వైద్యులు, వారికి స‌హ‌క‌రించిన త‌హ‌శీల్దార్‌పై శాఖాప‌ర‌మైన చ‌ర్య‌లు తీసుకోవాల‌ని కోరిన‌ట్టు తెలిపారు.

Share Link

Leave a Reply

Your email address will not be published. Required fields are marked *