Corona cases

corona cases: జాగ్ర‌త్త‌..జాగ్ర‌త్త‌..రాజ‌ధానిలో మ‌ళ్లీ విస్త‌రిస్తున్న వైర‌స్‌| ప్రైవేటు ఆసుప‌త్రుల‌కు క్యూ క‌డుతున్న బాధితులు

Spread the love

corona cases: క‌రోనా రెండో ద‌శ వెళ్లిపోయిందిలే అనుకుంటే పొర‌పాటు అంటున్నారు వైద్యులు. రాష్ట్ర రాజ‌ధాని హైద‌రాబాద్ న‌గ‌రంలో క‌రోనా కేసులు పెరుగుతుండ‌టంపై ఆందోళ‌న మొద‌ల‌వుతుంది.

హైద‌రాబాద్: ఇక ఏమీ కాద‌న్న నిర్ల‌క్ష్యం..క‌నీసం మాస్క్ ధ‌రించ‌క‌పోవ‌డం ..భౌతిక దూరం పాటించే సంగ‌తి మ‌రిచిపోవ‌డం…గుంపులు గుంపులుగా సంచ‌రించ‌డం… ఉత్స‌వాలు, శుభ‌కార్యాలు..అంత్య‌క్రియ‌ల్లో పాల్గొన‌డం చూస్తుంటే మ‌హ‌మ్మారి క‌రోనా మ‌రోసారి కోర‌లు చాస్తోంది అన‌డంలో ఏమాత్ర‌మూ సందేహం లేదు. రెండో ద‌శ ఉధృతి త‌ర్వాత వైర‌స్ త‌గ్గుముఖం ప‌ట్టిన‌ట్టు క‌నిపించిన‌ప్ప‌టికీ కేసుల సంఖ్య ఇటీవ‌ల పెరుగుతుండ‌టంతో రాష్ట్రంలో ప్ర‌భుత్వం క‌ఠిన చ‌ర్య‌ల‌కు పూనుకునే ప‌రిస్థితి నెల‌కొంది.

న‌గ‌రంలోని ప‌లు కాల‌నీల్లో 15 రోజుల క్రితం వ‌ర‌కు ఒక‌టి, రెండు క‌రోనా కేసులు మాత్ర‌మే ఉండేవి. ప‌ది రోజుల వ్య‌వ‌ధిలో ప‌దుల సంఖ్య‌లో పెరిగాయి. ఇది ఒక్క రాజ‌ధాని న‌గ‌రంలోనే కాదు రాష్ట్ర వ్యాప్తంగా అప్ర‌మ‌త్తం కావాల్సిన అవ‌స‌రాన్ని చెబుతోంది. కోవిడ్ నిబంధ‌న‌లు జ‌నం నిర్ల‌క్ష్యం చేయ‌డంతోనే కేసుల సంఖ్య పెరుగుద‌ల‌కు కార‌ణ‌మ‌ని వైద్యులు చెబుతున్నారు. ఇది కాస్త మూడో ద‌శ‌లోకి అడుగు పెట్టే ప్ర‌మాదం ఉంద‌ని హెచ్చ‌రిస్తున్నారు. క‌రోనా రెండో ద‌శ ఈ ఏడాది ఏప్రిల్ నెల‌లో ప్రారంభ‌మైంది. గాంధీ ఆసుప‌త్రితో పాటు ఇత‌ర ప్ర‌భుత్వ ఆసుప‌త్రుల్లో ప‌డ‌క‌లు దొర‌క‌క బాధితులు ఎంతో మంది విల‌విల్లారు. వంద‌ల సంఖ్య‌లో ప్రాణాలు విడిచారు.

మార్చి నెల నుంచి మే నెల వ‌ర‌కు రోజూ 1200 – 1800 మంది క‌రోనా పేషెంట్లు ప‌లు ఆసుప‌త్రుల‌కు చికిత్స నిమిత్తం క్యూ క‌ట్టేవారు. అయితే మే నెల నుంచి వైర‌స్ ప్ర‌భావం కాస్త త‌గ్గింది. ఇదే స‌మయంలో ప్ర‌భుత్వం మెల్ల‌మెల్ల‌గా ఆంక్ష‌లు ఎత్తివేసింది. ఇక వైర‌స్ పూర్తిగా త‌గ్గిపోయింద‌న్న భావ‌న‌తో చాలా మంది నిర్ల‌క్ష్యంగా వ్య‌వ‌హ‌రిస్తున్నారు. కానీ వైర‌స్ చాప కింద నీరులా త‌న ప్ర‌భావం చూపుతూనే ఉంది. న‌గ‌రంలో దాదాపుగా 40 శాతం మంది మాస్కులు ధ‌రించ‌డం లేద‌ని న‌గ‌ర పోలీసులు గుర్తించారు.

గాంధీ ఆసుప‌త్రిలో కొద్ది రోజుల కింద‌ట 10 కేసులు ఉండ‌గా ఇప్పుడు వారం తిరిగే లోపు 30-40 కేసులు పెరిగాయి. ప్ర‌స్తుతం ఆసుప‌త్రిలో 361 పైగా రోగులు ఉన్న‌ట్టు వైద్యులు చెబుతున్నారు. ఇందులో 199 మంది కోవిడ్‌, 162 మంది బ్లాక్ ఫంగ‌స్(black fungus) బాధితులు ఉన్న‌ట్టు గుర్తించారు.

రోజుకు 30 మంది డిశ్చార్జి అవుతుండ‌గా అదే సంఖ్య‌లో క‌రోనా పాజిటివ్ కేసులు ఆసుప‌త్రిలో కొత్త‌గా న‌మోద‌వుతున్నాయి. ఇక టిమ్స్‌లో 50 మంది చికిత్స తీసుకుంటుండ‌గా , ప్రైవేటు, కార్పొరేట్ ఆసుప‌త్రుల్లోనూ బాధితు సంఖ్య పెరుగుతుంది. గ‌చ్చిబౌలి ఏఐజీ ఆసుప‌త్రిలో కోవిడ్ ఉధృతి స‌మయంలో నిత్యం 480 మంది చికిత్స పొందేవారు. ప్ర‌స్తుతం 80 మంది చికిత్స పొందుతున్నారు.

ప‌డ‌క‌ల సంఖ్య‌ను పెంచిన ఆసుప‌త్రులు!

కోవిడ్ త‌గ్గింద‌న్న ఉద్దేశంతో న‌గ‌రంలోని చాలా ఆసుప‌త్రులు ప‌డ‌క‌ల్నీ సాధార‌ణ రోగుల చికిత్స‌ల కోసం కేటాయించారు. కొద్ది రోజులుగా రోగులు సంఖ్య పెరుగుతుండ‌టంతో ప్ర‌ముఖ ఆసుప‌త్రుల‌న్నీ క‌రోనా బాధితుల కోసం 50 ప‌డ‌క‌ల‌ను కేటాయిస్తున్నారు. ప్రస్తుతం వీటి సంఖ్య‌ను పెంచాల‌ని భావిస్తున్నారు. గాంధీ, టిమ్స్‌, కింగ్‌కోఠి, ఫీవ‌ర్‌, ఛాతి, స‌రోజ‌నీదేవి ఆసుప‌త్రుల్లో క‌రోనా వైద్యం కోసం పడ‌క‌ల సంఖ్య‌ను పెంచాల‌ని అధికారులు భావిస్తున్నారు. మూడో ద‌శ‌లో పిల్ల‌ల‌కు ప్ర‌భావం ప‌డే అవ‌కాశాలు ఎక్కువుగా ఉండ‌టంతో నిలోఫ‌ర్ లో వెయ్యి ప‌డ‌క‌ల‌ను సిద్ధం చేశారు.

Covid -19 Variant(B.1.1.529)కాస్త ప్ర‌శాంతంగా ఊపిరి పీల్చుకుంటే ఒట్టు..మ‌ళ్లీ క‌రోనా కొత్త వేరియంట్ అంట!

Covid -19 Variant(B.1.1.529)జ‌ర్మ‌నీ: ప్ర‌పంచానికి ఏమైంది… ఒక ప్ర‌క్క పేద‌రికం, మ‌రో ప్ర‌క్క క‌రోనా ..కాలు బ‌య‌ట పెట్ట‌నిదే క‌డుపు నిండ‌దు..కాలు బ‌య‌ట పెడితే క‌రోనా కాటు Read more

vaccine drive:త్వ‌ర‌గా పూర్తి చేయండి వ్యాక్సినేష‌న్: మంత్రి హ‌రీష్ రావు

vaccine driveహైద‌రాబాద్: రాష్ట్రంలో ప్ర‌తి ఒక్క‌రికీ రెండు డోసులు వ్యాక్సిన్ త్వ‌ర‌గా పూర్తి చేయాల‌ని వైద్యారోగ్య శాఖ మంత్రి హ‌రీష్ రావు అన్ని జిల్లాల వైద్యాధికారుల‌ను ఆదేశించారు. Read more

covid update: త‌గ్గిన‌ట్టే త‌గ్గి ఒక్క‌సారిగా అమాంతం పెరిగి.. కేర‌ళ‌ను వ‌ణికిస్తోన్న క‌రోనా!

covid update: ఢిల్లీ: దేశంలో క‌రోనా కేసుల్లో హెచ్చు త‌గ్గులు క‌న్పిస్తున్నాయి. గ‌త రెండు రోజులుగా 20 వేల దిగువ‌కు ప‌డిపోయిన కొత్త కేసులు, తాజాగా మ‌ళ్లీ Read more

Third wave of Corona : థ‌ర్డ్‌వేవ్ ముంచుకొస్తుందా? సెకండ్‌వేవ్ కంటే ప్ర‌మాద‌క‌ర‌మా?

Third wave of Corona : భార‌త్‌లో క‌రోనా మ‌హమ్మారి విల‌య‌తాండ‌వం సృష్టిస్తోంది. ఇప్ప‌టికే సెకండ్ వేవ్‌తో స‌త‌మ‌త‌మ‌వుతున్న ప్ర‌జ‌ల‌కు థ‌ర్డ్‌వేవ్ భ‌యం ప‌ట్టుకోంది. సెకండ్‌వేవ్ తీవ్ర‌త Read more

Leave a Comment

Your email address will not be published.