BTech Student Murdered: బైక్ ఎక్క‌నందుకే పొడిచి చంపాడా? న‌డిరోడ్డుపై బీటెక్ విద్యార్థిని హ‌త్య‌!

BTech Student Murdered: గుంటూరు: న‌గ‌రంలోని బీటెక్ విద్యార్థిని ర‌మ్య దారుణ హ‌త్య‌కు గురైన విష‌యం ఇప్పుడు ఏపీలో సంచ‌ల‌నంగా మారింది. కాకాని రోడ్డులోని ప‌రామ‌య‌కుంట వ‌ద్ద ఓ యువ‌కుడు ర‌మ్య‌పై క‌త్తితో దాడి చేసి పారిపోయాడు. బాధిత యువ‌త పేరు న‌ల్ల‌పు ర‌మ్య‌. ఓ కాలేజీలో బీటెక్ థ‌ర్డ్ ఇయ‌ర్ చ‌దువుతోంది. ఆదివారం ఉద‌యం ప‌రామ‌య‌కుంట నుంచి న‌డుచుకుంటూ వెళ్తుండ‌గా ఓ సైకో యువ‌కుడు ఆమె వ‌ద్ద‌కు వ‌చ్చి బైక్ ఎక్కాల‌ని కోరాడు. అందుకు ఆమె నిరాక‌రిచింది. దీంతో అత‌ని వెంట తెచ్చుకున్న క‌త్తితో ర‌మ్య క‌డుపులో మెడ‌పై ఆరు సార్లు పొడిచాడు. తీవ్ర ర‌క్త‌స్రావంతో ర‌మ్య అక్క‌డిక్క‌డే మృతి చెందింది.BTech Student Murdered

జీజీహెచ్‌లో ర‌మ్య మృత‌దేహాన్ని గుంటూరు అర్బ‌న్ ఎస్పీ ఆరీఫ్ హ‌ఫీజ్ ప‌రిశీలించారు. నిందితున్ని త్వ‌ర‌లోనే ప‌ట్టుకుంటామ‌న్నారు. దారుణానికి పాల్ప‌డ్డ యువ‌కునికి, ర‌మ్య‌కు ఏమైనా ప‌రిచ‌యాలు న్నాయా అనే కోణంలో విచార‌ణ జ‌రుగుతోంది. ర‌మ్య‌కు ఎవ‌రితో సంబంధాలు లేవ‌ని స్నేహితులు తెలిపారు. దీంతో ర‌మ్య ఫోన్ ఇప్పుడు కీల‌కంగా మారింది. ఆమె ఫోన్ లాక్ ఓపెన్ అయితే కీల‌క విష‌యాలు తెలిసే అవ‌కాశం ఉంది. ర‌మ్య అక్క మౌనిక దాడి జ‌రిగిన‌ప్పుడు ప‌క్క‌నే ఉంది. దీంతో పోలీసులు ఆమెను కూడా విచారిస్తున్నారు.

సీఎం ఆరా .. బాధిత కుటుంబానికి రూ.10 ల‌క్ష‌లు ప్ర‌క‌ట‌న‌

గుంటూరులో యువ‌తి ర‌మ్య హ‌త్యా ఘ‌ట‌న‌పై సీఎం వైఎస్ జ‌గ‌న్మోహ‌న్ రెడ్డి అధికారుల‌ను అడిగి తెలుసుకున్నారు. ఈ కేసుకు సంబంధించి ద‌ర్యాప్తును వేగ‌వంతం చేయాల‌ని అధికారుల‌ను ఆదేశించారు. దిశ కింద వేగంగా చ‌ర్య‌ల‌ను తీసుకుని దోషికి క‌ఠిన శిక్ష ప‌డేలా చేయాల‌న్నారు. ఘ‌ట‌న వివ‌రాలు తెలియ‌గానే హోంమంత్రి ఆస్ప‌త్రికి వెళ్లి బాధిత కుటుంబాన్ని ప‌రామ‌ర్శించారు. ఆ కుటుంబానికి అండ‌గా నిల‌బ‌డ‌తామ‌ని భ‌రోసా ఇచ్చిన విష‌యాన్ని అధికారులు ముఖ్య‌మంత్రికి వివ‌రించారు. బాధిత కుటుంబాన్ని ఆదుకునేలా త‌గిన చ‌ర్య‌లు తీసుకోవాల‌ని, ప‌రిహారంగా రూ.10 ల‌క్ష‌లు ఆ కుటుంబానికి ఇవ్వాల‌ని సీఎం ఆదేశించారు.

బిటెక్ విద్యార్థిని హ‌త్య సీసీ దృశ్యాలు

Share link

Leave a Comment