Ardha Shathabdapu song lyrics: రెండు ద‌శాబ్ధాల క్రితం తెలుగు రాష్ట్రాల్లో సంచ‌ల‌నం సృష్టించిన సినిమాల్లో ఒక‌టి సింధూరం మూవీ. ఈ సినిమా ప్ర‌భావం అప్ప‌టి ప్ర‌జ‌ల‌పై భాగా ప‌డింద‌ని చెప్ప‌వ‌చ్చు. ఎందుకంటే క‌థ, పాట‌లు అన్నీ కూడా సూప‌ర్ హిట్ అయ్యాయి. ఈ సినిమా ఇప్ప‌టికీ ప్రజలను ప్ర‌భావితం చేసే పాట అర్థ‌శ‌తాబ్ధ‌పు అజ్జానాన్ని స్వతంత్రమందామా!. ఈ Ardha Shathabdapu song lyrics: అర్థ‌శ‌తాబ్ధ‌పు అజ్జానాన్ని స్వతంత్రమందామా వింటే రోమాలు నిక్క‌ర పొడుస్తాయి.
ప్ర‌స్తుతం ఉన్న కాలంలో ఈ పాట బాగా సూట్ అవుతుంది. ఈ జ‌న‌రేష‌న్‌లో పాల‌కుల తీరును ఎండ‌గ‌ట్ట‌డానికి ఈ పాట ఒక్క‌టి చాలు. ప్ర‌భుత్వాలు మారుతున్నా, పాల‌కులు మారుతు ఇప్ప‌టికీ ప్ర‌జ‌లు దుర్భ‌ర జీవితాన్నే గ‌డుపుతున్నారు భార‌త దేశంలో. ఇలాంటి పాట‌లు విన్న‌ప్పుడు ప్ర‌శ్నించే త‌త్వం మ‌న‌లో మొద‌లవుతుంది. ఇప్పుడు వ‌స్తున్న సినిమాలు ఈ సినిమా ముందు దేనికీ ప‌నికిరావు.
అర్థ‌శ‌తాబ్ధ‌పు అజ్జానాన్ని స్వతంత్రమందామా! ఈ పాట‌ను దివంగ‌త మ‌హ‌నీయుడు, ర‌చ‌యిత, ఉద్య‌మ పాట‌ల రూప‌క‌ర్త సిరివెన్న‌ల సీతారామశాస్త్రీ గారు (Ardha Shathabdapu song lyrics) రాశారు. ఇలాంటి గొప్ప సాహిత్యం అందించిన ఆ మ‌హ‌నీయుడు మ‌న మ‌ధ్య లేక పోవ‌డం బాధాక‌రం అయిన‌ప్ప‌టికీ తాను రాసిన పాట‌లు, పాడిన పాట‌లు ఇప్ప‌టికీ మ‌న క‌ళ్లెదుట సీతారామశాస్త్రీ ఉన్న‌ట్టే మెదులాడుతాయి.
1997లో సంచ‌ల‌న ద‌ర్శ‌కుడు కృష్ణ‌వంశీ ద‌ర్శ‌క‌త్వంలో వ‌చ్చిన సింధూరం (Sindhooram) సినిమాలో ర‌వితేజ, బ్ర‌హ్మాజీ, సౌంద‌ర్య, సంగ‌వి త‌దిత‌రులు న‌టించారు. ఈ సినిమా 1997లో సెప్టెంబ‌ర్ 12వ తేదీన విడుద‌ల అయ్యింది. ఈ సినిమాకు నేష‌న‌ల్ ఫిలిం అవార్డు , ఇంట‌ర్నేష‌న‌ల్ ఫిలిం ఫెస్టివ‌ల్‌తో పాటు నంది అవార్డును కైవ‌సం చేసుకుంది.
Ardha Shathabdapu song lyrics: అర్థ‌శ‌తాబ్ధ‌పు అజ్జానాన్ని స్వతంత్రమందామా లిరిక్స్
అర్ధశతాబ్దపు అజ్ఞానాన్ని స్వతంత్రమందామా.. స్వర్ణోత్సవాలు చేద్దామా..!
ఆత్మ వినాశపు అరాచకాన్ని స్వరాజ్యమందామా.. దానికి సలాము చేద్దామా…!
శాంతి కపోతపు కుత్తుక తెంచి తెచ్చిన బహుమానం.. ఈ రక్తపు సింధూరం..!
నీ పాపిటలొ భక్తిగ దిద్దిన ప్రజలను చూడమ్మా.. ఓ పవిత్ర భారతమా!
అర్ధశతాబ్దపు అజ్ఞానాన్ని స్వతంత్రమందామా.. స్వర్ణోత్సవాలు చేద్దామా!
నిత్యం కొట్టుకు చచ్చే జనాల స్వేచ్ఛను చూద్దామా .. దాన్నే స్వరాజ్యమందామా…!
కులాల కోసం గుంపులు కడుతూ.. మతాల కోసం మంటలు పెడుతూ..!
ఎక్కడలేని తెగువను చూపి తగువుకి లేస్తారే.. జనాలు తలలర్పిస్తారే!
సమూహ క్షేమం పట్టని స్వార్థపు ఇరుకుతనంలో..
ముడుచుకు పోతూ మొత్తం దేశం తగలడుతోందని..!
నిజం తెలుసుకోరే… తెలిసి భుజం కలిపి రారే!
అలాంటి జనాల తరఫున ఎవరో ఎందుకు పోరాడాలి…!
పోరి ఏమిటి సాధించాలి…!
ఎవ్వరికోసం ఎవరు ఎవరితో సాగించే సమరం.. ఈ చిచ్చుల సింధూరం
జవాబు చెప్పే బాధ్యత మరచిన జనాల భారతమా…!
ఓ అనాథ భారతమా!
అర్ధశతాబ్దపు అజ్ఞానాన్ని స్వతంత్రమందామా.. స్వర్ణోత్సవాలు చేద్దామా..!
ఆత్మ వినాశపు అరాచకాన్ని స్వరాజ్యమందామా.. దానికి సలాము చేద్దామా…!
అన్యాయాన్ని సహించని శౌర్యం.. దౌర్జన్యాన్ని దహించే ధైర్యం..!
కారడవులలో క్రూరమృగంలా దాక్కుని ఉండాలా… వెలుగుని తప్పుకు తిరగాలా..!
శతృవుతో పోరాడే సైన్యం… శాంతిని కాపాడే కర్త్యవ్యం..!
స్వజాతి వీరులనణచే విధిలో కవాతు చెయ్యాలా.. అన్నల చేతిలొ చావాలా..!
తనలో ధైర్యం అడవికి ఇచ్చి… తన ధర్మం చట్టానికి ఇచ్చి..!
ఆ కలహం చూస్తూ సంఘం శిలలా నిలుచుంటే..
నడిచే శవాల సిగలో తురుమిన నెత్తుటి మందారం..!
ఈ సంధ్యా సింధూరం..!
వేకువ వైపా, చీకటిలోకా, ఎటు నడిపేనమ్మా..!
గతి తోచని భారతమా!
అర్ధశతాబ్దపు అజ్ఞానాన్ని స్వతంత్రమందామా.. స్వర్ణోత్సవాలు చేద్దామా..!
ఆత్మ వినాశపు అరాచకాన్ని స్వరాజ్యమందామా.. దానికి సలాము చేద్దామా…!
తన తలరాతను తానే రాయగల అవకాశాన్నే వదులుకొని..!
తనలో భీతిని.. తన అవినీతిని.. తన ప్రతినిధులుగ ఎన్నుకుని..!
ప్రజాస్వామ్యమని తలిచే జాతిని ప్రశ్నించడమే మానుకొని…!
కళ్ళు ఉన్న ఈ కబోది జాతిని నడిపిస్తుందట .. ఆహాహా ఆవేశం!
ఆ హక్కేదో తనకే ఉందని శాసిస్తుండట అధికారం.. !
కృష్ణుడు లేని కురుక్షేత్రమున.. సాగే ఈ ఘోరం చితిమంటల సింధూరం..
చూస్తూ ఇంకా నిదురిస్తావా…!
విశాల భారతమా… ఓ విషాద భారతమా!
అర్ధశతాబ్దపు అజ్ఞానాన్ని స్వతంత్రమందామా.. స్వర్ణోత్సవాలు చేద్దామా..!
ఆత్మ వినాశపు అరాచకాన్ని స్వరాజ్యమందామా.. దానికి సలాము చేద్దామా…!
శాంతి కపోతపు కుత్తుక తెంచి తెచ్చిన బహుమానం.. ఈ రక్తపు సింధూరం..!
నీ పాపిటలొ భక్తిగ దిద్దిన ప్రజలను చూడమ్మా.. ఓ పవిత్ర భారతమా!
అర్ధశతాబ్దపు అజ్ఞానాన్ని స్వతంత్రమందామా.. స్వర్ణోత్సవాలు చేద్దామా..!
నిత్యం కొట్టుకు చచ్చే జనాల స్వేచ్ఛను చూద్దామా .. దాన్నే స్వరాజ్యమందామా…!
