Pension పై ఏపీ ప్ర‌భుత్వం కొత్త రూల్ | బోగ‌స్ కార్డుల ఏరివేత‌కేనా?

Pension పై ఏపీ ప్ర‌భుత్వం కొత్త రూల్ | బోగ‌స్ కార్డుల ఏరివేత‌కేనా?

Pension: ఏపీలో పెన్ష‌న్ ల‌బ్ధిదారుల విష‌యంలో ఆంధ్ర‌ప్ర‌దేశ్ ప్ర‌భుత్వం కీల‌క నిర్ణ‌యం తీసుకుంది. అస‌లైన ల‌బ్ధిదారుల‌ను గుర్తించే ప‌నిలో భాగంగా కీల‌క మార్పుల‌కు శ్రీ‌కారం చుట్టింది. బోగ‌స్ ల‌బ్ధిదారులు ఎక్కువుగా ఉన్నార‌న్న ఆరోప‌ణ‌ల‌పై ప్ర‌భుత్వం ఫోక‌స్ పెట్టింది. వైఎస్ఆర్ పింఛ‌న్ కానుక‌లో భాగంగా కుల‌వృత్తులు, మెడిక‌ల్ విభాగాల అర్హుల్ని గుర్తించేందుకు కొత్త నిబంధ‌న‌లు పొందు ప‌ర్చింది. పెన్ష‌న్ పొందాలంటే త‌ప్ప‌నిస‌రిగా ద‌రఖాస్తుదారులు వారి కుల‌వృత్తినే జీవ‌నాధారం అయి ఉండాల‌ని ఉత్త‌ర్వుల్లో పేర్కొంది. మెడిక‌ల్‌, ఒంట‌రి పెన్ష‌న్ల విష‌యంలోనూ క‌ఠినమైన రూల్స్ పాటించ‌బోతోంది. అవ‌స‌ర‌మైన ప‌త్రాల‌ను ఎక్సైజ్‌, సాంఘిక సంక్షేమ శాఖ‌, చేనేత‌, జౌళిశాఖ‌, మ‌త్స్యశాఖ‌, వైద్యశాఖ‌లు జారీ చేయాల‌ని ప్ర‌భుత్వం ఆదేశించింది.

File photo

ద‌ర‌ఖాస్తు ప్ర‌క్రియ‌లో భాగంగా క్షేత్ర‌స్థాయిలో వాలంటీర్లు, స‌చివాల‌యం సంక్షేమ కార్య‌ద‌ర్శులు వ‌చ్చిన ద‌ర‌ఖాస్తుల‌ను ప‌రిశీలించి ఉన్న‌తాధికారుల‌కు అంద‌జేస్తారు. ల‌బ్ధిదారుల వృత్తికి జియోట్యాగింగ్ చేసి వారి లాగిన్లు ద్వారా తిరిగి శాఖాధికారుల ప‌రిశీల‌న‌కు పంపించాలి. అక్క‌డ అనుమ‌తి లభించిన ద‌ర‌ఖాస్తుల‌కే ఎంపీడీఓ, పుర‌పాలిక అధికారులు మంజూరుకు సిఫార్సు చేస్తారు. దీన్ని 21 రోజుల్లో పూర్తి చేయాల‌ని పేర్కొన్నారు. ప్ర‌స్తుతం ఏపీలో 61.28 ల‌క్ష‌ల మంది ల‌బ్దిదారులు ఉన్నారు.

చ‌ద‌వండి :  Madanapalle incident : ఆ త‌ల్లిదండ్రుల‌కు బెయిల్ మంజూరు

Leave a Reply

Your email address will not be published. Required fields are marked *