Saturday, July 18, 2020

ముందు నుండి వెన‌క్కి వెళ్లిన ఎంపీ సీటు..!

న్యూఢిల్లీ (NewDelhi):
న‌ర‌సాపురం ఎంపీ ర‌ఘురామ‌కృష్ణ‌రాజుకు స్పీక‌ర్ షాక్ ఇచ్చారు. లోక్‌స‌భ‌లో ర‌ఘురామ‌కృష్ణంరాజు స్థానాన్ని స్పీక‌ర్ మార్చేశారు. ఈ మేర‌కు ఓ ప్ర‌క‌ట‌న విడుద‌ల చేశారు. ముందు సీటు నుంచి వెనుక‌కు ర‌ఘురామ‌కృష్ణం రాజు స్థానం వెళ్లిపోయింది. ఇప్ప‌టి వ‌ర‌కు ర‌ఘురామ‌కృష్ణంరాజు సీటు నెంబ‌ర 379లో కూర్చునే వారు. ఇక‌పై ఆయ‌న సీటు నెంబ‌ర్ 445 లో కూర్చోనున్నారు. ర‌ఘురామ‌కృష్ణంరాజు సీటును వైసీపీ చీఫ్ విప్ మార్గాని భ‌ర‌త్‌కు కేటాయించారు స్పీక‌ర్‌. మార్గాని భ‌ర‌త్‌, కోట‌గిరి శ్రీ‌ధ‌ర్‌, బెల్ల‌న చంద్ర‌శేఖ‌ర్ సీట్లు ముందుకెళ్ల‌గా ర‌ఘురామ‌కృష్ణ‌రాజు సీటు మాత్రం నెంబ‌ర 379 నుంచి సీటు నెంబ‌ర్ 445కు వెళ్లింది. అన‌ర్హ‌త పిటిష‌న్ స‌మ‌ర్పించే స‌మ‌యంలోనే ర‌ఘురామ‌కృష్ణ‌రాజు సీటు మార్చాల్సిందిగా స్పీక‌ర్‌ను వైసీపీ కోరింది. పార్టీ ఫిర్యాదు మేర‌కే ర‌ఘురామ‌కృష్ణ‌రాజు సీటును స్పీక‌ర్ మార్చిన‌ట్టు వైసీపీ వ‌ర్గాలు చెబుతున్నాయి. 

జీతాలివ్వండి మ‌హా ప్ర‌భో...వాలంటీర్ల గోడు..!

విజ‌య‌వాడ రూర‌ల్‌: గ‌త ఐదు మాసాలుగా త‌మ‌కు రావాల్సిన వేత‌నాలు వెంట‌నే మంజూరు చేయాల్సిందిగా కోరుతూ కొండ‌ప‌ల్లి మున్సిపాలిటీ ప‌రిధిలోని వాలంటీర్లు రెండురోజులుగా విధుల‌ను బ‌హిష్క‌రించారు. గ‌త ఐదు  నెల‌లుగా వేత‌నాలు అద‌క‌పోవడంతో తీవ్ర  ఆర్థిక ఇబ్బందులు ఎదుర్కొంటున్నామ‌ని పేర్కొంటున్నారు. ఈ నేప‌థ్యంలో రెండ్రోజులుగా స‌చివాల‌యాల‌కు హాజ‌రుకాకుండా విధులు బ‌హిష్క‌రిస్తూ త‌మ నిర‌స‌న వ్య‌క్తం చేస్తున్నారు. కొండ‌పల్లి మున్సిపాలిటీ కొత్త‌గా ఆవిర్భ‌వించ‌డం వ‌ల్ల ఈ స‌మ‌స్య త‌లెత్తింద‌ని, త‌మ జీతాలు చెల్లించాలంటూ మున్సిప‌ల్ క‌మిష‌న‌ర్ ను మైల‌వ‌రం ఎమ్మెల్యే కృష్ణ ప్ర‌సాద్ అనేక‌మార్లు విన్న‌వించినా ఫ‌లితం లేక‌పో యింద‌ని వాలంటీర్లు చెబుతున్నారు. చేసేది ఏమీ లేక తామంతా విధులు బ‌హిష్క‌రించాల‌ని నిర్ణ‌యించిన‌ట్టు వాలంటీర్లు తెలిపారు. త‌మ వేత‌నానికి సంబంధించిన ఫైల్ రాష్ట్ర ప్ర‌భుత్వం అధికారుల వ‌ద్ద ఉంద‌ని మైల‌వ‌రం ఎమ్మెల్యే కృష్ణ ప్ర‌సాద్ చొర‌వ‌తీసుకుని వెంట‌నే వేత‌నాలు అందే విధంగా చ‌ర్య‌లు తీసుకోవాల‌ని వారు కోరుతున్నారు. త‌మ డిమాండ్లు ప‌రిష్కార‌మ‌య్యే వ‌ర‌కూ విధుల‌కు హాజ‌ర‌య్యేది లేద‌ని వాలంటీర్లు స్ప‌ష్టం చేస్తున్నారు. 

ఇది చ‌ద‌వండి : క‌రోనా :అంత్య‌క్రియ‌ల‌కు ఓ ప్యాకేజీ అంట‌..!

No comments:

Post a Comment